Бугун 19 март, 2024 йил, сешанба

O'ZB

Коронавирус неча даражада ўлиши аниқланди

Коронавирус неча даражада ўлиши аниқланди

Гонконг университети олимлари COVID-19 коронавирус неча даражада кўпроқ ва камроқ фаол бўлишини аниқлашди, дея хабар бермоқда ТАСС. 

Тадқиқотчиларнинг айтишича, коронавирус +4 даража ҳароратда узоқ вақт барқарор бўлиб қолади. Дезинфекция бошлангандан кейин эса унинг фаоллиги 14 кундан кейингина сусая бошлайди.   

Шунингдек, янги коронавируснинг юқори ҳароратга чидамсиз экани аниқланди: +70 даражада беш дақиқа ўлади. У +56 даражада узоғи билан ярим соат, +37 даражада кўпи билан икки кун, 22 даражада эса тахминан бир ҳафтача яшар экан. 

Бундан ташқари, олимлар коронавируснинг турли юзаларда қанча яшаш мумкинлигини ҳам аниқлашди. Маълум бўлишича, у хона ҳароратида ва 65% нисбий намликда тиббиёти ниқобининг ташқи қисмида узоғи билан бир ҳафта, қоғозда уч соат, ёғоч ва матода икки кун, шишада тўрт кун, зангламайдиган пўлат ва пластмассада бир ҳафтадан ортиқ яшай олар экан.

Айни вақтгача Ўзбекистонда коронавирус инфекцияси билан касалланганлар сони 4 тага ошиб, 149 нафарни ташкил этмоқда. @ssvuz

Ушбу инфекция 2 нафар андижонлик (аёллар), 1 нафар фарғоналик (эркак) ва 1 нафар тошкентлик (эркак) фуқароларда аниқланди.

Манба: azon.uz

Киритилди: 17:02 30.03.2020. Ўқилди: 17337 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!