Исроил Мудофаа вазирлигининг маълум қилишича, мамлакатдаги тадқиқот институтларининг бирида яратилган коронавирусга қарши вакцина 1 ноябрдан бошлаб одамларда синовдан ўтказилади.
Исроилдаги Биологик тадқиқотлар институти томонидан ишлаб чиқилган ва “BriLife” деб номланган вакцина март ойидан бошлаб ҳайвонларда синала бошланганди. Бугунги кунга келиб Исроил Соғлиқни сақлаш вазирлиги ушбу вакцинани одамларда текшириб кўришга рухсат берди.
Одамлардаги синовларнинг биринчи босқичида 18 ёшдан 55 ёшгача бўлган 80 киши қатнашади ва вакцинанинг коронавирусга қарши антитаначалар ҳосил қилиши текширилади.
Декабрда бошланиши кутилаётган иккинчи босқичда эса 18 ёшдан юқори бўлган 960 киши иштирок этади. Агар ушбу икки босқич муваффақиятли якунланса, кейинги йилнинг апрель ёки май ойида синовларнинг учинчи босқичига старт берилади. Охирги босқич кенг миқёсли бўлиб, унда 30 минг киши қатнашиши режалаштирилган. Синовларнинг барчаси ижобий натижа бергандан кейин мазкур вакцина оммага тақдим этилади.
Исроил Биологик тадқиқотлар институтининг маълум қилишича, ”BriLife” вакцинаси бир неча турдаги ҳайвонларда бўлиб ўтган синовлардан муваффақиятли ўтган бўлиб, ҳозиргача инсонлардаги текширувларнинг дастлабки икки босқичи учун 25 минг дозада вакцина тайёр қилиб бўлинган.
“Бизнинг якуний мақсадимиз, Исроил ва унинг яқин қўшнилари учун 15 миллион дозада вакцина ишлаб чиқариш” дейди Биологик тадқиқотлар институти директори Шмуел Шапира.
Ҳозирча дунёда коронавирусга қарши халқаро тан олинган бирорта вакцина мавжуд эмас. Лекин, бир қанча компаниялар, хусусан, AstraZneca, Moderna va Johnson & Johnsonларнинг вакциналари синовларнинг охирига етиб келган.
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
