Киев тинчлик музокараларига тайёр: Умеров бошчилигидаги делегация шакллантирилди

Тинчлик музокараларида Украина делегациясига Умеров раҳбарлик қилади.

Бу ҳақдаги фармонни мамлакат президенти Владимир Зеленский имзолади.

Украина Миллий хавфсизлик ва мудофаа кенгаши котиби Рустем Умеров бу лавозимда коррупция можароси ортидан истеъфога чиққан президент девонининг собиқ раҳбари Андрей Ермакнинг ўрнини эгаллади.

Фармонга кўра, делегация таркибига яна саккиз киши киритилган. Улар орасида Мудофаа вазирлиги Бош разведка бошқармаси (ГУР) раҳбари Кирилл Буданов, Украина Қуролли кучлари Бош штаби бошлиғи Андрей Гнатов ва бошқа юқори лавозимли амалдорлар бор.

Делегацияга АҚШ, Россия ва Украина бошқа халқаро ҳамкорлари билан “адолатли ва барқарор тинчликка” эришиш мақсадида музокаралар олиб бориш топширилган.