Жанубий вокзални Тошкент вилояти билан боғловчи янги автобус йўналиши ишга тушади

Шу йилнинг 15 ноябрдан Тошкент жанубий вокзалини Тошкент вилояти билан боғловчи 194-сонли янги автобус йўналиши ишга туширилади

Бу ҳақда Тошкент шаҳар транспорт ва йўл-транспорт инфратузилмасини ривожлантириш бош бошқармаси хабар бермоқда.

Янги йўналиш Тошкент шаҳри «Жанубий вокзал» бекатидан Тошкент вилояти «Ниёзбоши маҳалласи» бекатигача ҳаракатланади. Йўналишда Mercedes-Benz LF автобуслари хизмат кўрсатади.

Ҳаракат вақти:

• иш кунлари: 05:30 — 23:10 (11 та автобус)
• шанба: 05:30 — 22:25 (10 та автобус)
• якшанба: 06:07 — 22:02 (9 та автобус)