Бугун 29 март, 2024 йил, жума

O'ZB

Жанубий Корея Россияга техника сотиш учун АҚШдан рухсат сўради

Жанубий Корея Россияга техника сотиш учун АҚШдан рухсат сўради

АҚШ Жанубий Кореяни Россияга нисбатан стратегик бўлмаган материалларга тегишли экспорт санкцияларидан озод қилинган давлатлар рўйхатига киритди, деб ёзади Sedaily.com республика Савдо, саноат ва энергетика вазирлигига таяниб.

Агентликнинг қайд этишича, Вашингтонга ташриф буюрган Жанубий Корея савдо вазири Ё Хан Гу АҚШ савдо вазири ўринбосари Дон Гравес билан Кореяни санкциялардан озод қилинган давлатлар рўйхатига киритиш бўйича келишувга эришган.

Шундай қилиб, Корея Россия Федерациясига оммавий истеъмолчи учун мўлжалланган смартфонлар, автомобиллар, кир ювиш машиналари ва бошқа маиший техникаларни етказиб бериш имкониятига эга бўлади, бунда экспорт қилинадиган буюмлар Россия қуролли кучлари ихтиёрида бўлмаслиги ёки улар томонидан фойдаланилмаслиги керак.

Корея расмийлари «халқаро ҳамжамиятнинг масъулиятли аъзоси сифатида Россияга қарши санкцияларда фаол иштирок этаётганликларини, шу билан бирга экспорт назорати чоралари кучайиши туфайли Корея компаниялари учун ноаниқликни камайтираётганини» таъкидламоқда.

Киритилди: 09:55 04.03.2022. Ўқилди: 2819 марта. Фикрлар сони: 9 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!