Бугун 28 март, 2024 йил, пайшанба

O'ZB

Жамбулдаги автоҳалокатда жабрланганлар Ўзбекистонга олиб келинди

Жамбулдаги автоҳалокатда жабрланганлар Ўзбекистонга олиб келинди

20 апрель куни Қозоғистоннинг Жамбул вилояти Қордай тумани ҳудудида Чимкент-Олмаота трассасининг 181-километрида автобус иштирокида юз берган йўл-транспорт ҳодисасида жабрланган 9 нафар ўзбекистонлик Ўзбекистонга етказилди. Бу ҳақда Ўзбекистон Ташқи ишлар вазирлиги вакилига асосланган ҳолда РИА Новости хабар қилган.

Қозоғистон ички ишлар вазирлиги матбуот хизмати маълумотларига кўра, автоҳалокатда 11 киши, жумладан 3 нафар ўзбекистонлик ва 8 нафар қозоғистонлик ҳалок бўлган, 39 киши жароҳат олган.

Турли даражадаги тан жароҳатлари олган 9 нафар ўзбекистонлик реанимобилларда Қозоғистондан Бишкекка олиб чиқилган, у ердан эса бугун эрталаб фавқулодда вазиятлар вазирлигининг махсус борти билан Тошкентга етказилган , дея хабар қилган манба. Унинг таъкидлашича, 2 нафар ўзбекистонлик шифокорлар кўригидан кейин яқинлари ҳамроҳлигида Олмаотага йўл олган, яна бир жабрланувчи маҳаллий шифохонада қолмоқда.

Ўзбекистон ТИВ маълумотларига кўра, ҳалок бўлган 3 нафар ўзбекистонликнинг жасади Қордайдаги ўликхонада қолмоқда. Амалдаги тартибларга кўра, шахсни аниқлаш жараёни ўтказилгандан сўнг Қозоғистон томони ҳалок бўлганлар жасадларини Қозоғистон-Ўзбекистон чегарасига етказишни таъминлайди , дейилган хабарда.

Эслатиб ўтамиз, Ўзбекистон Президенти Шавкат Мирзиёев автоҳалокатда жабрланганларга ва жасадларни ватанга қайтаришда ёрдам кўрсатиш бўйича ҳукумат комиссиясини тузиш топшириғини берган.

Kun.uz

Киритилди: 19:23 21.04.2019. Ўқилди: 1405 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!