Қозоғистоннинг Жамбул вилоятида, Олмаота Тошкент йўлининг 181-километрида 20 апрель куни маҳаллий вақт билан 5:09 да Van Hool автобуси билан юз берган йўл-транспорт ҳодисаси оқибатида Ўзбекистоннинг уч нафар фуқароси ҳалок бўлган, яна 13 ўзбекистонлик тан жароҳати олган. Бу ҳақда Ўзбекистон Фавқулодда вазиятлар вазирлиги маълум қилди (Меҳнат вазирлиги тан жароҳати олган ўзбекистонликлар сонини 12 нафар деб кўрсатмоқда).
Автобус салонида жами 47 нафар йўловчи бўлган. Ҳодиса оқибатида жами 11 киши ҳалок бўлган, 29 киши тан жароҳати олиб, касалхонага ётқизилган. Фавқулодда вазиятлар вазирлигидан қўшимча қилишларича, Жамбулдаги ЙТҲ бўйича Ўзбекистон ва Қозоғистон фавқулодда вазиятлар идоралари ҳамкорликда тегишли ишларни амалга оширмоқда.
Жамбулдаги автобус авариясида ҳалок бўлган Ўзбекистон фуқаролари:
Тан жароҳати олганлар рўйхати:
Маълумот учун, ҳодиса юз берганидан сўнг Қозоғистон президенти Қосим-Жўмарт Тўқаевнинг Twitter даги саҳифасида Жамбулдаги ЙТҲ оқибатида ҳалок бўлганларнинг барчаси Ўзбекистон фуқаролари экани ҳақида маълумот эълон қилинган эди, бироқ кўп ўтмай ушбу ахборот ўчириб ташланди.