Исроилликларнинг 64 фоизи Нетаняху ҳукуматига ишонмайди

Исроилликларнинг камида 64 фоизи Исроил Бош вазири Беньямин Нетаньяху кабинетига ишонмаслигини айтди.

Бу ҳақда Исроилнинг 12-каналида ўтказилган сўров натижаларига асосланиб, "ТАСС" хабар бермоқда.

Респондентларнинг яна 30 фоизи мамлакат ҳукуматининг амалдаги таркибига ҳали ҳам ишонишларини билдиришган.

Унга кўра, респондентларнинг 79 фоизи 2023 йил 7-октабрда Фаластиннинг Ҳамас радикал ҳаракатининг мамлакатга бостириб кириши чоғида Исроил сиёсий ва ҳарбий раҳбариятининг хатоларини текшириш бўйича давлат комиссияси тузилишини ҳам қўллаб-қувватлаган. Респондентларнинг атиги 8 фоизи бундай текширувга қарши эканлигини, 13 фоизи эса бир қарорга келмаганини билдирган.

Бундан ташқари, улардан Ливаннинг "Ҳизбуллоҳ" ҳаракати билан ўт очишни тўхтатиш тўғрисида келишув тузиш бўйича қарашлари ҳақида сўралган: 54 фоизи келишувни қўллаб-қувватлашини айтган, яна 24 фоизи эса бундай келишувга қарши чиққан.