Исроил Ғазодаги "вайронкор қамал"ни дарҳол тўхтатиши шарт - "Amnesty International"

"Amnesty International" инсон ҳуқуқлари ташкилоти Ғазодаги фаластинлик ота-оналардан "даҳшатли гувоҳликлар" тўплаганини маълум қилди.

Уларнинг айтишича, ота-оналар фарзандларини боқишга қодир эмас ва ўзлари ҳам оғир очликни бошдан кечирмоқда.

"Исроил Ғазодаги вайронкор қамалини зудлик билан бекор қилиши шарт. Бу қамал геноцид ҳаракати, жамоавий жазо ва уруш жинояти ҳисобланади, чунки тинч аҳолини очликдан ўлдиришни уруш олиб бориш усули сифатида қўлламоқда," дея таъкидлади ташкилот.