Исроил дронлари Сурия жанубидаги тузилмаларга ҳужум қилди

Исроил ҳарбий-ҳаво кучларининг учувчисиз учоқлари Сурия жанубидаги Ас-Сувайда вилоятида араб қабилалари жангариларига ҳужум қилди.

Бу ҳақда Al Mayadeen телеканали хабар берди.

Унга кўра, Исроил учувчисиз учоқлари вилоят маъмурий маркази ғарбидаги ўз позицияларига камида тўртта рейд ўтказган. Бадавийлар орасида йўқотишлар ҳақида маълумот йўқ.

Аввалроқ дронлар Палмира-Хомс трассаси бўйлаб жанубий йўналишда ҳаракатланаётган жангарилар карвонига ҳужум қилган эди.