Ҳозирги кунда иш берувчилар карантинни баҳона килиб ишга олмаслик хуқуқига эгаларми. Карантин сингари форс-мажор ҳолатларида иш беручи ва ишга кирувчиларни қандай ҳақ-ҳуқуқ ва мажбуриятлари мавжуд?
Саволларга Меҳнат вазирлиги ахборот хизмати жавоб беради:
- Амалдаги меҳнат қонунчилигида, шунингдек, коронавирус инфекциясини тарқалишига қарши курашиш юзасидан қабул қилинган норматив-ҳуқуқий ҳужжатларда карантин даврида иш берувчиларга ходимларни ишга қабул қилмаслик бўйича мажбурият юклатилмаган.
Карантин тадбирлари давомида айрим корхоналар фаолияти тўхтатилган ёки қисман тўхтатилган вақтда, шунингдек, ишлаб чиқариш ҳажмининг камайганлиги туфайли ходимлар сони қисқартирилганда иш берувчилар эҳтиёж бўлганда ходимларни меҳнат қонунчилигига асосан ишга қабул қилиши мумкин.