Нуфузли шиа билимдони Муқтад ас-Садрнинг сиёсатдан кетиши муносабати билан Бағдодда бошланган норозилик намойишлари ва тартибсизликлар қурбонлари сони 30 кишига етди. Бу ҳақда "Меҳр" агентлиги хабар бермоқда.
700 га яқин одам, жумладан, хавфсизлик кучларининг 110 нафар ходими яраланган, дея хабар беради агентлик.
Намойишлар бир кун аввал ас-Садр сиёсатдан кетишини эълон қилганидан кейин бошланган. Кейин юзлаб одамлар ироқлик сиёсатчиларнинг хорижлик ҳамкасблари билан учрашадиган асосий жойи бўлган Республика саройига бостириб киришди. Шундан сўнг Ироқ ҳукумати бутун мамлакат бўйлаб комендантлик соати эълон қилди, бироқ пойтахтда ҳам, мамлакатнинг бошқа бир қанча минтақаларида ҳам намойишлар давом этди.
Мамлакатдаги тартибсизликлар туфайли Emirates авиакомпанияси сешанба куни Бағдодга ва ундан барча рейсларни бекор қилди ва бунга “фуқаролик тартибсизликлари ва комендантлик соати” сабаб бўлди.
Шунингдек, 29 август, душанба куни Эрон Ироқ билан чегараларини ёпди ва Теҳрон яқинида жойлашган Имом Хомайний халқаро аэропорти айрим авиакомпаниялар Бағдодга парвозларни бекор қилгани ҳақида баёнот берди.
Aс-Садр тарафдорлари бир неча ҳафтадан бери Эрон томонидан қўллаб-қувватланган шиа партиялари етакчилигидаги Мувофиқлаштирувчи тузилма блоки томонидан Муҳаммад ал-Суданийнинг бош вазирликка номзоди кўрсатилишига қарши норозилик намойишлари ўтказмоқда.
Сўнгги парламент сайловларида Садр блоки энг кўп ўринни қўлга киритган бўлса-да, рақиблар билан коалициядан ташқари ҳукумат туза олмади.
АҚШда Украина ҳақида кутилмаган баёнот берилди
Эрон зарбаси катта зарар етказмади, лекин...
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
