Apple компанияси талаб пастлиги сабабли, iPhone 14 смартфонлари ишлаб чиқаришни кўпайтирмасликка қарор қилди. Бу ҳақда “Bloomberg” агентлиги хабар берди.
Компания бутловчи қисмлар етказиб берувчиларни жорий йилнинг иккинчи ярмида iPhone 14 смартфонлари ишлаб чиқаришни 6 миллион донага кўпайтирмаслик ҳақида огоҳлантирган. Йил охиригача компания 90 миллион дона қурилмани чиқариш ниятида, бу ўтган йилги билан деярли бир хил.
“Bloomberg” маълумотларига кўра, Хитой смартфон бозорида iPhone 14 сотувга чиқарилганидан кейинги дастлабки уч кун ичида ўтган йилги iPhone 13'дан 11 фоизга кам харид қилинган.
Қўшимча қилинишича, жаҳон смартфон бозори жорий йилда 6,5 фоизга қисқариб, 1,27 миллиард донани ташкил этиши кутилмоқда.
Шунингдек, 1976 йилда асос солинган Apple iPhone, iPad, iMac, Macbook ва бошқа юқори технологияли маҳсулотларни ишлаб чиқаради. Корпорация дунёдаги энг йирик компаниялардан биридир.
Маълумот учун, Ҳиндистон Хитойдан кейин иккинчи йирик смартфон бозори ҳисобланади.
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Тожикистон чегарачилари етти нафар афғонни отиб ўлдирди
Қирғизистон Москванинг баёнотларидан норози
