Интернетни портлатган сурат — мўйловли йўл назоратчиси, аслида, ким? (ФОТО)

Бир неча кун олдин интернет саҳифаларидана бирида Тошкентлик йўл-ҳаракати бошқарувчиси сержант Содиқ Қосимовнинг фотосуратлари пайдо бўлган эди.

Фотосурат бир зумда ижтимоий тармоқларда машҳур бўлиб кетди. Унда акс этган мўйловли йўл бошқарувчининг ёрқин тимсоли кўпчилликни бефарқ қолдирмади. Кейинчалик Tashkent Retrospektive саҳифасида ушбу машҳур бошқарувчи ҳақида “Огонёк” газетасида чоп этилган мақола ҳам босиб чиқарилди.

“Чорраҳадаги одам” сарлавҳали мақола 1966 йилда милиция куни арафасида босиб чиқарилган. Эслатиб ўтамиз ўша йил Тошкентда мудҳиш ер қимирлаши содир бўлган эди...

“Тошкент чанг, бензин, тупроқ, цемент ва асфальтга ботиб кетган... Кўчалар юк автомобилларига тўла. Краз, Маз, Зил ва чаққон Газикларда – Москва, Киев, Тбилиси, Кишинев ва Ленинград давлат рақамлари...

26апрелдан буён шаҳардаги машиналар сони бир неча мингга ошди. Йўлларда эса эртадан кечгача – машиналар лиқ тўла. Ўзбекистон пойтахтига эса яна ва яна қурилиш техникаси ва машиналар келмоқда. Тезкор юклар, цемент, гравий, бетон панеллари ва ёғоч материаллар тўзтовсиз оқим билан шаҳар четидаги улкан қурилиш майдонларига етказиб берилмоқда.

Биз репортаж қаҳрамонини энг гавжум чорраҳадан топдик. Жазирама иссиқ ва чанг тўполонга қарамасдан Содиқ-ака виртуоз дирижер каби автомобиллар оқимини бошқариб турар эди. Автомобилларни бошқаришда нафақат унинг қўли ва таёқчаси, балким юзи ва кўзлари ҳатто улкан мўйловлари ҳам иштирок этарди”, - деб ёзилган Огонёк журналида чиққан мақола муаллифи Ю. Сбитнев.   

Тошкент шаҳар ИИББ чоп этган мақолада айтилишига қараганда Содиқ ака Тошкентнинг “Ёш гвардия” кинотеатри олдидаги ва бошқа бир неча чорраҳаларида хизмат қилган. Узоқ йиллар (36 йил) давомида унинг ишида бирор маротаба камчилик топилмаган. Аксинча старшина 83 маротаба мақтов ёрлиқлари олган. Шунингдек Содиқ Қосимов “Қизил байроқ” ва “Қизил юлдуз” орденлари соҳиби бўлган.