Илон Маск "Twitter'ни сотиб олишдан воз кечдими?

Миллиардер Илон Маск Twitter’ни сотиб олиш бўйича келишувни бекор қилиш учун янги сабаб топди – унинг адвокатлари компания хавфсизлик хизмати собиқ раҳбарининг раҳбариятни фойдаланувчилар маълумотлари билан нотўғри ишлашда айблаган баёноти туфайли келишувни амалга оширишнинг иложи йўқлигини айтишди.

Twitter’нинг собиқ ходими Питер Затко маълумотларни хакерлардан ҳимоя қилиш тизимидаги "катта камчиликлар" ва платформадаги махфийлик муаммолари ҳақида хабар берди. Унинг сўзларига кўра, у раҳбариятни ушбу муаммолар ҳақида бир неча бор огоҳлантирган, бироқ раҳбарият киберхавфсизлик қоидаларининг бузилиши ҳақидаги маълумотларни яширишни маъқул кўрган. 2022 йил бошида Затко эса ишдан бўшатилди.

Затконинг сўзларига таянган ҳолда Маскнинг адвокатлари Twitter’нинг маълумотлар махфийлиги ва истеъмолчилар ҳуқуқларини ҳимоя қилиш тўғрисидаги қонунларга риоя қилмаслик орқали келишув шартларини бузганини маълум қилди ва ижтимоий тармоқ маълумотлар марказининг ишламай қолиши ва зарарли ҳужумларга дучор бўлиши мумкинлигини таъкидлади.

Шунингдек, улар Затконинг компания раҳбарияти ижтимоий тармоқдаги қанча аккаунт спам ёки сохта эканлигини аниқлашни истамагани ҳақидаги гапига ишора қилди.

Баҳорда миллиардер Twitter’ни сотиб олишдан бош тортди, чунки компания топ-менежменти унга ижтимоий тармоқ фойдаланувчилари орасида ботлар ва спам-аккаунтларнинг улуши ҳақида маълумот бермади. Компания келишувни суд орқали якунлашга қарор қилди – Twitter вакиллари Маскни бозордаги ўзгаришлар туфайли хариддан воз кечганликда айблади. Июль ойи охирида Маск Twitter’га қарши даъво аризаси билан чиқди, бироқ унинг тафсилотлари ошкор этилмади.

Суд 17 октабрь куни бўлиб ўтиши режалаштирилган – суд жараёнига 100 дан ортиқ гувоҳлар, жумладан Затко ҳам жалб этилиши режалаштирилган, деб хабар берди Блоомберг. Twitter хавфсизлик бўлимининг собиқ раҳбарининг айбловларини рад этади ва унинг сўзлари "номувофиқликлар ва ноаниқликлар билан тўлиб-тошган ва муҳим контекстдан олиб ташланган"лигини айтади.