Икки ёшли гўдак 5 кун сувсиз ва овқатсиз тоғда қолиб кетди

Никарагуанинг шимолий тоғларида беш кун овқат ва сувсиз яшай олган икки ёшли болакай топилди.

Бу ҳақда The Mirror хабар бермоқда. Икки яшар Энтони Йохендри Монтенегро Эррерани қўшниси топиб олган. У аёлнинг уйидан 300 метр нарида эди.

Шифокорлар унинг зарарли бактериялар билан қопланганлиги, шу боисдан ҳам териси бироз зарар кўрганлигини хабар қилишди. Аммо шунга қарамасдан, болакай бутунлай соғлом эди.

Боланинг отаси ўғлини ўғирлаб, сўнг тоғларда қолдириб кетишганини таъкидламоқда.

Айни пайтда бола касалхонага ётқизилган бўлиб, шифокорлар уни назорат қилишмоқда.