ИИВ Ахборот хизмати раҳбари Шоҳрух Ғиёсов асоссиз маълумот тарқатаётган ижтимоий тармоқ фаолларига мурожаат йўллади.
"Охирги кунларда айрим ижтимоий тармоқларда, алоҳида давлат органларининг раҳбарларини лавозимида қолиш ёки кетиш масалаларида текширилмаган ва асоссиз маълумотларни тарқатиш ҳолатлари кузатилмоқда.
Албатта, ўзини ҳурматини билган ҳар қандай ижод аҳли, оммага тарқатаётган маълумотини текширилганлиги ёки хеч бўлмаганда холислиги хақида қайғуради, лекин шу билан бирга сўз эркинлигини “талтайишга” ёки “масхарабозликка” айлантиришга уринаётган фуқароларни ҳам кузатишимиз мумкин.
Шу сабабли, айрим ижтимоий тармоқ фаолларидан оддий этика қоидаларига риоя этишларини ҳамда арзон пиар ортидан қувишни бас қилишларини сўраймиз".