«Ҳурмат тили» — Эрон АҚШ билан келишувга эришиш йўлини маълум қилди

Эрон ТИВ раҳбари Аббос Аракчи Ислом Республикаси америкаликларни эмас, балки АҚШнинг сиёсатини душман деб билишини маълум қилди.

«Биз америкаликларни душман деб ҳисобламаймиз, биз АҚШнинг Эронга нисбатан олиб бораётган сиёсатини душманона деб биламиз. Қачонки бу душманлик тўхтатилса, биз, эҳтимол, муносабатларнинг бир оз бошқача форматини кўриб чиқишимиз мумкин», — дея унинг сўзларини келтиради РИА Новости.

Эрон дипломатияси раҳбарининг таъкидлашича, Эрон халқи «ҳурмат тилида» гапиради — бу АҚШ билан келишувга эришишнинг ягона йўлидир.