Сурхондарё вилояти ҳудудидан ўтган М 41 халқаро аҳамиятдаги автомобиль йўлида хизмат олиб бораётган ЙПХ ходими А.Чориев "Лабо" русумли юк автомобилини тўхтатган вақтида, ҳайдовчи 11 ёшли, 5-синфда ўқийдиган Улуғбек исмли бола эканлиги маълум бўлган.
Улуғбекнинг ёнида, автомобилнинг олд ўриндиғида отаси ҳам бўлган. ЙПХ ходими билан суҳбат давомида отасининг "Ўғлимга ишонаман. Ўзим ҳам олий маълумотлиман" деган сўзлари кишини ажаблантиради. Ходим отасидан меъёрий ҳужжатларини сўраганда, ота ҳам ҳеч қандай ҳужжат тақдим эта олмади. Қоидабузарликлар юзасидан белгиланган тартибда чора кўрилди.