Ҳиндистоннинг Парганас туманида оиласи томонидан ўлганидан сўнг танаси ёқиб юборилган эркак бир неча кун ўтиб уйига қайтди, деб хабар берди NDTV.
Телеканал хабарига кўра, “марҳум” 75 ёшли қария 11 ноябрь куни коронавирус учун мусбат синов натижаси олганидан сўнг касалхонага ётқизилган. Икки кундан сўнг беморнинг оиласига унинг ўлими ҳақида хабар берилган ва танасини олиб кетиш сўралган.
Жасад CОVID-19 сабаб хавфсизлик чоралари туфайли пластикхалта ичида бўлган. Шунинг учун оила марҳумнинг юзини кўрмай туриб, 13 ноябрь куни танасини ёқиб юборишган.
Бир неча кундан сўнг эса оилага касалхонадан қўнғироқ қилишган ва соғайиб кетган қариндошини олиб кетишларини айтишган.
«Биз ҳайратда қолдик. Отамизни уйга олиб келдик, аммо кимнинг танасини ёндирганимизни билмаймиз», - деди беморнинг ўғли.