"Ҳали кетмайман": 43 ёшли Буффон ўзига янги клуб топди

"Ювентус"нинг италиялик дарвозабони ва Жанлуижи Буффон карьерасини давом эттирадиган клуб топди. Бу ҳақда Goal хабар бермоқда.

43 ёшли Буффон спортдан кетиши мумкинлиги ҳақидаги даъволарига қарамай профессионал футболдаги фаолиятини тугатишни рад этди. У Парма шаҳрига қайтмоқчи. Буффон аввал ҳам "Парма"да 1995 йилдан 2001 йилгача ўйнаган.

Буффоннинг "Ювентус" билан шартномаси 1 июлда тугайди. Май ойида италиялик ёзда жамоани тарк этишини эълон қилганди. Сўнгги марта у туринликлар билан майдонга 12 май куни Италия чемпионатининг "Сассуоло"га қарши ўйинида тушганди.

Буффон Италиянинг ўн карра чемпиони. Шунингдек, у терма жамоа таркибида жаҳон чемпионатида олтин медални қўлга киритди.