Ҳакамга ҳужум қилган аёл футболчи 16 ўйинга дисквалификация қилинди

Шимолий Ирландияда футболчи ҳакамга ҳужум қилгани учун 16 та ўйинга четлатилди.

BBC хабарига кўра, воқеа 25 июль куни бўлиб ўтган "Клифтонфилл" - "Гленторан" (2:0) учрашувидаги финал ҳуштагидан сўнг содир бўлган. "Клифтонвилл" сардори Келси Берроуз қизил карточка ишлаб олди.

BBC хабарига кўра, Берроуз ҳакам Саймон Бикерстафга ҳужум қилгани учун 16 ўйинга дисквалификация қилинган. "Клифтонвилл" бош мураббийи Брендан Линч "ўйиннинг расмий шахсига қаршилик кўрсатиш учун" майдонга тушгани учун учта ўйинга дисквалификация қилинди.

Берроузнинг дисквалификацияси барча турнирларга тааллуқли бўлади. Қайд этилишича, "Клифтонфилл" қарор устидан шикоят қилган.