"Ўзэнергоинспекция" Сирдарё вилоят ҳудудий бошқармаси томонидан ўтказилган назорат тадбирида Гулистон шаҳрида фуқаро М. Б. га қарашли новвойхонада ҳисоблагич ўрнатилган жойдан ташқари яширинча монтаж қилиш орқали тармоққа уланиб, табиий газдан ноқонуний фойдаланиб келаётганлиги аниқланди.
Ушбу қоидабузарлик газ таъминоти корхонасининг дастлабки ҳисоб-китобларига кўра 498,7 миллион сўмлик зарар етказилганлиги маълум бўлди.
Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.