Гонконг оммавий намойишларни келтириб чиқарган экстрадиция тўғрисидаги қонунга қўшимчалар киритишни тўхтатиб турибди.
«South China Morning Post» газетасининг хабар беришича, бундай қарорга Хитой раҳбарияти йиғилишининг натижасида келинган.
- Бу қонун муайян давлат қонун-қоидаларини бузган шахсни шу давлатга топширишни кўзда тутади. Гонконгдаги қонун лойиҳаси гумонланувчиларни Хитойга экстрадиция қилиш ҳуқуқини беради. Гонконгликлар шундан хавотирланишаяпти, намойишчилар қонун уларнинг ҳуқуқларини ҳимоялашни кафолатламайди дейишмоқда.
- Гонконгда юз минглаб одам сўнгги ҳафтада ҳар куни норозилик билдириб намойишга чиққан. Энг оммавий намойишда бир миллионга яқин одам иштирок этган.