Германиянинг энг катта сузувчи қуёш электр станцияси ишга тушди

Германиянинг Silbersee III кўлидаги энг йирик - 3 МВт қувватга эга сузувчи қуёш электр станцияси расман очилди ва фойдаланишга топширилди.

5800 та сузувчи қуёш модуллари ва ўрнатилган қуввати 3 МВт бўлган ушбу сузувчи станция йилига 3000 МВт/соат электр энергияси ишлаб чиқаради ва ҳар йили тахминан 1100 тонна CО2ни тежайди (тахминан 11,6% CФC).

Қуёш электр станцияси собиқ карер ҳавзаси ўрнида ҳосил бўлган кўлда сузади. Станциянинг умумий майдони деярли 1,8 гектарни ташкил этади ва бу кўл ҳудудининг тахминан 2,3% га тўғри келади. Тизим май ойининг охиригача синовдан ўтказилади, шундан сўнг электр станцияси қурилган «Quarzwerke» компанияси ўз истеъмоли учун ҳам, Германия электр тармоғи учун ҳам электр энергияси ишлаб чиқаришни бошлашни режалаштирмоқда.

Апрель ойида 5800 та қуёш модули кўл қирғоғидаги 360 та сузувчи элементга маҳкамланган ва махсус қуёш қайиқларида кўлга олиб келинган. Маълумот учун, ҳозиргача Германиядаги барча сузувчи қуёш лойиҳалари ЭEГ (Германия қайта тикланадиган энергия қонуни) молиялаштириш билан амалга оширилиб келмоқда. Агарда ушбу янги лойиҳа кутилаётган натижани берса, ЭEГ молиялаштирувусиз амалга оширилган илк энергия лойиҳасига айланади.