Франция Ислом кенгаши вакиллари ҳамда бошқа мусулмон етакчилар диндошларини ёнғинда зарар кўрган Биби Марям (Нотр Дам) жомеси учун ёрдам беришга чақирди.
Мусулмонларни насроний қардошларимизнинг ибодатгоҳи ва мамлакатимизнинг муҳим тарихий маскани бўлган кафедралнинг реставрацияси учун бошланадиган кампанияларга қўшилишига чақираман , деди Лиондаги Марказий масжид етакчиларидан Камол Қабтаний.
Эслатиб ўтамиз, душанба куни дунёдаги машҳур тарихий черковлардан ва Парижнинг тимсолларидан бири ҳисобланувчи Биби Марям жомесида ёнғин чиқиб, бинога катта зарар етказди. Ёнғинга таъмирлаш ишлари сабаб бўлгани тахмин қилинмоқда.