Флорида штатида “Милтон” тўфони туфайли миллиондан ортиқ уйлар электр таъминотисиз қолди

АҚШнинг Флорида штатида “Милтон” тўфони туфайли миллиондан ортиқ уйлар электр таъминотисиз қолди.

Тўфон 10 октябрга ўтар кечаси штатнинг ғарбий соҳилларига етиб келди, шундан сўнг шамол кучи бироз пасайди.

Флорида губернатори Рон Десантиснинг айтишича, бўрон ҳозиргача камида 19 та торнадони келтириб чиқарган ва 125 га яқин уйни вайрон қилган. “Милтон” миллиардлаб доллар зарар келтириши кутилмоқда. Икки миллионга яқин одам ҳудуддан эвакуация қилинган.

Федерал фавқулодда вазиятлар агентлиги матбуот котиби Дин Крисвелл “Милтон” тўфони штат бўйлаб ҳаракатланаётгани туфайли флоридаликларни ўз уйларида қолишга ва яқин атрофдан бошпана излашга чақирди.