ФИФА Президенти Ўзбекистон ва Озарбайжонни йирик турнир мезбонлиги билан табриклади

ФИФА Президенти Жанни Инфантино ўзининг расмий саҳифасида Ўзбекистон ва Озарбайжонни ФИФА U-20 Жаҳон чемпионати мезбонлиги билан табриклади.

Ушбу икки футболсевар мамлакатни Жаҳон чемпионати мезбонлиги билан қутлайман. Ўзбекистон ва Озарбайжон йирик миқёсдаги турнирларни ўтказиш бўйича катта тажрибага эга. Хусусан, Ўзбекистон ўтган йили ўтказилган ФИФА Футзал Жаҳон чемпионатини юқори савияда ташкил этди, деди Инфантино.

Шунингдек, ФИФА раҳбари 25-бор ўтказиладиган ёшлар ўртасидаги Мундиални интиқлик билан кутиб қолишини ҳам қўшимча қилган.