Европа Украинага ёрдам учун АҚШдан қурол сотиб олишга тайёргарлик кўрмоқда — Bloomberg

"Агар Қўшма Штатлар Украинага ҳарбий ёрдам кўрсатишдан бош тортса, Европа давлатлари Киевга топшириш учун Aмерика қуролларини харид қилиш имкониятини кўриб чиқмоқда. Бундай қарор Европа Иттифоқининг ўз қурол захираларининг чекланганлиги ва ишлаб чиқариш қувватларининг етишмаслиги сабабли қабул қилиниши мумкин", деб ёзади ахборот агентлиги ўз манбаларига таяниб.

Bloomberg'нинг аниқлик киритишича, Қўшма Штатларнинг собиқ президенти Жо Байден томонидан илгари тасдиқланган ёрдам захиралари 2025 йил ёзида тугаши мумкин.

Агентлик манбаларига кўра, Украинани қуроллантиришни давом эттириш Россия армияси ҳужумини тўхтатишда ва урушни тугатиш доирасида Владимир Путинга босимни кучайтиришда ёрдам беради.