Европа Иттифоқининг Адлия бўйича комиссияси (Eurojust) маълумотларига кўра, 16 июл куни ҳуқуқни муҳофаза қилувчи органлар NoName057(16) хакерлар гуруҳини зарарсизлантирган. Улар муҳим инфратузилма объектлари, қурол ишлаб чиқарувчилар, энергетика компаниялари ва давлат идораларига уюштирилган кўплаб DDoS ҳужумларида айбланмоқда.
Баёнотида айтилишича, 15 июл куни АҚШ ҳамда яна 11 давлат иштирокида ўтказилган халқаро операция давомида дунё бўйлаб юзлаб серверлар орқали ҳужумлар уюштиришда фойдаланилган ботнет тизими йўқ қилинган.
Германия ва Испания ушбу хакерлик гуруҳининг етти нафар гумонланувчисига нисбатан ҳибсга олиш ордерлари берган, терговчилар эса NoName билан боғлиқ биноларда 24 та тинтув ўтказган.
Eurojust'га кўра, хакерларнинг баъзи ҳужумлари Швейцарияга қаратилган бўлган. Ушбу киберҳужумлар 2023 йил июн ойида Украина президенти Володимир Зеленский Швейцария парламентига видео мурожаат йўллаган ва 2024 йил июнида Украинага бағишланган тинчлик конференцияси ўтказилган пайтларда содир этилган.
АҚШ "тарвузи қўлтиғидан тушиб кетди": Туркиянинг рухсатисиз Қора денгизга ядровий сув ости кемаларини жойлаштира олмайди
Бола ўғрилари ушланди
Ер томон учаётган юлдузлараро объект ўзга сайёралик кема бўлиши мумкин
