Бугун 29 март, 2024 йил, жума

O'ZB

Эронда Трампнинг калласи учун уч миллион доллар таклиф қилинди

Эронда Трампнинг калласи учун уч миллион доллар таклиф қилинди

Эронлик депутат Аҳмад Ҳамза АҚШ президенти Дональд Трамп боши учун уч миллион доллар тўлашни таклиф қилди. Бу ҳақда ISNA хабар қилмоқда.

“Кирмон вилояти аҳолиси номидан Трампни ўлдириб, унинг бошини бизга олиб келадиган кишига уч миллион доллар нақд пул тўлаймиз”, -  деди у парламентда сўзлаган нутқида.

Кирмон вилояти - америкаликлар томонидан ўлдирилган Эрон генерали Қосим Сулаймонийнинг туғилган жойи.

Сўнгги ҳафталарда Яқин Шарқдаги вазият кескин ёмонлашди. Вашингтон Теҳронни айблаган Ироқдаги АҚШ элчихонаси олдида бўлиб ўтган норозилик намойишидан сўнг, АҚШ ҳарбийлари Сулаймонийни Ироқда бўлган пайтида ўлдирган.

Эрон Ироқдаги Америка базаларига ҳужумлар билан жавоб берди, зарбаларда ҳеч ким жабрланмади. Аммо кейинчалик Эрон ҳарбийлари тасодифан Теҳрондан Киевга учиб кетаётган “Украина халқаро ҳаво йўллари” самолётини уриб туширди. Самолёт бортидаги барча 176 киши ҳалок бўлди.

Ҳарбийларнинг сўзларига кўра, самолёт Эрон ҳарбий объекти яқинида учиб кетаётган бўлган ва “душман нишони”, хусусан, қанотли ракетаси сифатида қабул қилинган. Шу билан бирга, Эрон АҚШ томонидан ҳужумларни кутаётган бўлганларини, шу сабабли мамлакатнинг ҳаво мудофааси тизимлари тўлиқ шай ҳолатида бўлганини таъкидлади.

 

Киритилди: 19:36 21.01.2020. Ўқилди: 2825 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!