Эрон махсус хизматлари 17 нафар АҚШ жосусини қўлга олди

Эрон ахборот вазирлиги Марказий разведка бошқармасига ишлаган 17 нафар кишини қўлга олди. РИА Новости хабарига асосан.

Улардан айримлари ўлим жазосига маҳкум қилинди.  Шу билан бирга, вазирлик қўлга олинган шахслар билан алоқа қилган МРБ ходимларининг суратларини эълон қилди.   

Илгарироқ июнь ойида Эрон миллий хавфсизлик Олий Кенгаши котиби Али Шамхан Эрон разведкаси Вашингтон назоратида бўлган кибер тармоқни аниқлаганини маълум қилганди.

АҚШ ва Эрон ўртасида ҳеч қандай дипломатик алоқалар йўқ. Эрон атоми бахсли мавзулардан бири ҳисобланади.