Элдор Шомуродов жароҳат олди ва...

Италия Кубоги учинчи босқичи доирасидаги «Женоа» - «Катанзаро» (2:1) учрашувида Элдор Шомуродовнинг қайдномадан ўрин олмагани сабаби маълум бўлди.

«TuttoSport»нинг ёзишича, «Женоа» клубининг ўзбекистонлик 25 ёшли ҳужумчиси енгил жароҳати сабабли генуяликлар сафида кубок баҳсида майдонга тушмаган. Қайд этилишича, Шомуродов Италия А Серияси 6-тури доирасидаги «Генуя дербиси» - «Женоа»нинг «Сампдория»га қарши учрашувини ҳам ўтказиб юборади. Шунингдек, жамоа яримҳимоячиси Давиде Дзаппакоста ҳам жароҳати туфайли 1 ноябрь, якшанба кунги баҳсда «Женоа»га ёрдам бера олмайди.

«Buoncalcioatutti» нашрининг ёзишича, Шомуродов тикланиш жараёнида ҳам бўш вақтини зое кеткизмаяпти. Италияга келганига ҳали бир ой бўлмаган Элдор ўқитувчи ёллаб, итальян тилини ўрганишни бошлаган. 

Эслатиб ўтамиз, Элдор Шомуродов А Серия сўнгги тури доирасидаги «Женоа» - «Интер» (0:2) баҳсида захирадан майдонга тушиб, 25 дақиқа ҳаракат қилганди.