Намангандаги давлат хизматлари марказида илк абитуриентдан ҳужжат қабул қилинди. Бу ҳақда «Дарё»га ДХА вилоят бошқармаси масъул ходими Дилноза Зокирова маълум қилди.
Мингбулоқ туман давлат хизматлар марказига шу тумандаги «Чордона» маҳалласида яшовчи Достонбек Мирзақулов Фарғона Давлат университетига ҳужжат топшириш учун мурожаат қилди. Унинг ҳужжатлари марказ ходимлари томонидан қабул қилиб олиниб, 5 дақиқада кўриб чиқилди ва Достон абитуриентга айланди.
— Ўтган йили ҳам шу университетга ҳужжат топширган, бироқ омадим чопмаганди. Бунинг учун бир ҳафта вақтим кетган, икки марта Фарғонага қатнагандим. Шуни эслаб, бу йил Давлат хизматлари марказида кўрсатилган тезкор хизматдан мамнун бўлдим, — дейди Достон.
Марказда Достонбек Мирзақуловга учта ОТМга ҳужжат топшириш имконияти борлиги ҳақида ҳам тушунча берилди.
Тошкентда қўлга олинган депутат 14 ёшли ўғил болани зўрлаганликда айбланмоқда
1 майдан электр ва газ учун тарифларни ошириш ҳамда ижтимоий нормани жорий этиш режа қилинмоқда
Тошкентда яна бир “участкавой” пичоқланди
