Екатеринбургда Уктусда икки қизнинг ўлдирилишида гумон қилинган шахс ушланди. Тергов маълумотларига кўра, 2018 йил 26 август куни 34 ёшли Алексей Александров дам олаётган икки қизнинг ёнига борган. Улар билан бироз суҳбатлашгандан сўнг эса отиб ташлаган. Бу ҳақда URA.RU хабар бермоқда.
Ксения Солтанова воқеа жойида ҳалок бўлган, дугонаси Наталья Кузнецова эса икки кундан сўнг касалхонада вафот этган.
Сиз кўраётган суратдаги эркак эса ўша гумондор.
"Коммерсант" хабарига кўра, гумондор Калинин номидаги муҳандислик заводида муҳандис бўлиб ишлаган, бу ерда “S-300” ва “Бук” зенит-ракета тизимлари ишлаб чиқарилади.
Ҳаётда ўзини вазмин, хотиржам ва меҳрибон инсондай тутадиган гумондор бўш вақтларида суратга тушишни яхши кўрган - ижтимоий тармоқдаги ўз саҳифасида 1000 га яқин суратлари бўлиб, уларнинг аксариятини қизларнинг фотосуратлари ва шаҳар манзаралари ташкил этади. Унинг хотини ва боласи ҳам бор. Дўстларининг айтишига қараганда, Алексей ҳавас қилса арзугулик инсон.
Маълум бўлишича, Александров бир неча ой давомида жиноятни режалаштирган. Тинтув давомида эса квартирасидан бир нечта пневматик қуроллар топилган.
Сўроқ пайтида эса “Қурбонларни танламаганман. Ўлдиргим келгани учун ўлдирганман”, дея таъкидлаган.
Тошкентда қўлга олинган депутат 14 ёшли ўғил болани зўрлаганликда айбланмоқда
Crocus терактида айбланаётган тожикистонлик Муҳаммадсобир Файзовнинг қариндошлари ўз ҳақиқатлари билан бўлишди
Фарғонада қидирувдаги жиноятчи қўлга олинди
