Бразилиялик футболчи ўйиндан сўнг ҳибсга олинди

Финляндияда ўтказилган бешинчи дивизион баҳсида “Финнкурд” жамоасининг бразилиялик футболчиси Жонатан Геррейро ўйиндан сўнг полиция томонидан қўлга олинди.

Globo нашри хабар беришича. у келишилган ўйинда иштирок этганлик ва уни ташкил этганликда гумонланмоқда.

Воқеа 5 октябрь куни “Финнкурд” ва “Эспа/Ренат” жамоалари ўртасидаги учрашувдан кейин содир бўлган.

Ҳозирда тергов органлари томонидан футболчининг ўйинда ноқонуний битимда иштирок этгани ёки ташкилотчилик қилгани юзасидан суриштирув ишлари олиб борилмоқда.