Борис Жонсон: "Тимсоҳ сизнинг чап оёғингизни еяётганда у билан қандай музокара қилиш мумкин. Путин айнан шундай қиляпти"

Буюк Британия бош вазири Bloomberg агентлигига интервью бериб, Украинага кўпроқ ҳужум қуроллари, жумладан узоқ масофага мўлжалланган кўп сонли ракеталар зарурлигини таъкидлади

"Путин ўзи ва рус ҳарбийлари учун катта харажат эвазига Донбассда ерни кемиришда давом этишидан қўрқаман. У аста-секин, лекин қўрқаманки, сезиларли ютуқларга эришишни давом эттирмоқда ва шунинг учун биз украиналикларни ҳарбий жиҳатдан қўллаб-қувватлашда давом этишимиз жуда муҳим. Менимча, русларни Киев дарвозасидан ортга итариб юборган украиналикларнинг ақл бовар қилмайдиган қаҳрамонлиги биз томондан қўллаб-қувватланиши жуда катта аҳамиятга эга."

Борис Жонсон урушни тинч йўл билан ҳал қилиш истиқболларини шундай баҳолади:

"Тимсоҳ сизнинг чап оёғингизни еяётганда у билан қандай музокара қилиш мумкин. Путин айнан шундай қиляпти. У можарони музлатиб қўйишга ҳаракат қилмоқда... Албатта, биз урушни тўхтатишимиз керак, бу дунёга жуда зарур. Аммо буни тугатишнинг ягона йўли — Путин ўзининг бу "денацификацияси" содир бўлганини тан олиши. Шунда у можародан ор-номус билан чиқиб кета олади."