БМТнинг дунёда озиқ-овқат нархлари бўйича ҳисоботи: Гўшт арзонлашди

Жаҳонда озиқ-овқат нархлари кетма-кет иккинчи ой давомида кўтарилмоқда. Озиқ-овқат нархлари индексининг қиймати июль ойида 94,2 пунктга етди, бу июнь ойига нисбатан 1,2 фоизга кўп. Бу ҳақда БМТнинг Озиқ-овқат ва қишлоқ хўжалиги ташкилоти (FAO) ҳисоботида айтилмоқда.

Ишлаб чиқаришнинг пасайиши ва меҳнат муҳожирларининг етишмаслиги туфайли ўсимлик мойи 7,6 фоизга, сут маҳсулотлари 3,5 фоизга, шакар 1,4 фоизга қимматлади. Гўшт арзонлашди: июнь билан таққослаганда нарх 1,8 фоизга, ўтган йилнинг июл ойига нисбатан 9,2 фоизга пасайди.

2019 йил декабрь ойида озиқ-овқат нархлари беш йил ичида энг юқори чўққига чиқди. Палма ёғи ва шакар энг кўп кўтарилди. Бироқ, кейинчалик нарх пасайишни бошлади, 2020 йил май ойида у коронавирус пандемиясининг оқибатлари туфайли 2018 йил декабридан бери рекорд даражага етди. Бироқ, нархлар июнь ойида йил бошидан бери биринчи марта кўтарилди.