Бирлашган Миллатлар Ташкилоти Қирғизистон-Тожикистон чегарасидаги вазиятни тартибга солишда ёрдам беришга тайёрлигини маълум қилди.
Бу ҳақда БМТ бош котиби Антониу Гутерришнинг матбуот котиби Стефан Дюжаррик тарқатган баёнотида айтилади, деб ёзади “ТАСС”.
“Бош котиб Қирғизистон ва Тожикистон раҳбарларини узоқ муддатли оташкесим ўрнатиш учун мулоқотга киришишга чақирмоқда... БМТ чегарадаги келишмовчиликларга барқарор ечим топишда ёрдам беришга тайёр, агар томонлардан бундай сўров келиб тушса," деди у.
Аввалроқ Қирғизистон ва Тожикистон президентлари Садир Жапаров ва Эмомали Раҳмон давлатлар ўртасидаги чегаралардан қўшимча кучларни олиб чиқишга келишиб олгани хабар қилинганди.