Бирлашган Миллатлар Ташкилоти (БМТ) маълум қилишича, Исроилнинг давом этаётган ҳаво ва ер ҳужумлари натижасида Ғазодаги вазият тобора ёмонлашиб бормоқда — аҳоли яшайдиган ҳудудларда катта вайронагарчилик ва кўп сонли қурбонлар қайд этилмоқда.
Бу ҳақда БМТ Бош котиби матбуот котиби Стефан Дюжаррик ташкилотнинг кундалик матбуот анжуманида маълум қилди.
Унинг сўзларига кўра, БМТнинг гуманитар ёрдам ходимлари Ғазо шимолидаги вазият кескин ёмонлашгани ҳақида хабар бермоқда. Исроилнинг узлуксиз ва кучли бомбардимонлари тинч аҳоли ўлими ва турар-жой биноларининг вайрон бўлишига олиб келмоқда.
3 октябрь куни Исроилнинг навбатдаги ҳаво ҳужуми натижасида касалхона олдидаги автобус бекатида турган бир гуманитар ходим ҳалок бўлган, яна тўрт нафари оғир жароҳат олган.
Дюжаррик маълум қилишича, 8 октябрдан бери Ғазода камида 562 нафар ёрдам ходими ҳалок бўлган, уларнинг 376 нафари БМТ хизматчилари бўлган.
Гулистон шаҳридаги овқатланиш шохобчасида портлаш рўй берди (видео)
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
