"Биз Ғазо аҳолиси учун ХАМАСсиз яхшироқ ҳаёт яратиш устида ишлаяпмиз"

АҚШ Давлат котиби Марко Рубио Исроилга ташрифи чоғида Ғазо масаласи бўйича қатор муҳим баёнотлар берди:

— Отишкесим жараёнида қийинчиликлар кузатилмоқда, аммо яхши умид учун асос ҳам мавжуд;

— Биз Ғазо аҳолиси учун ХАМАСсиз яхшироқ ҳаёт яратиш устида ишлаяпмиз;

— Агар ХАМАС қуролсизланишдан бош тортса, бу келишувни бузиш ҳисобланади;

— ХАМАС тўлиқ қуролсизланиши керак;

— Барча тарафлар Ғазо секторида ХАМАСнинг келажакдаги роли бўлмаслигини қабул қилган;

— Ғазога жойлаштириладиган халқаро кучлар фақат Исроил ишонч билдирган давлатлар ҳарбийларидан ташкил топиши керак (бу Туркия аскарларининг иштирокига оид саволга жавоб сифатида айтилди);

— Ғарбий соҳилда Исроил суверенитетини қўллаш тинчлик жараёнига таҳдид солади; бу иш амалга ошмаслигига ишонаман;

— БМТнинг UNRWA агентлиги Ғазо муаммоларини ҳал этишда иштирок эта олмайди — у ХАМАС билан боғлиқ.