Бир кун олдин ишидан айрилган эркак, эртаси куни бойиб кетди

Бир кун олдин ишдан бўшатилган британиялик Дэвид Адамс эртаси куни лотореяда 1 миллион фунт стерлинг ютиб олди.

Бу ҳақда The Sun нашри ёзмоқда.

Дэвиднинг айтишича, унга омад насиб қилишидан олдин ҳаёти қора ранг билан бўялган. Бир йил олдин рафиқасига склероз ташхиси қўйилган, шунинг учун севимли ишини ташлашга мажбур бўлган. Баҳорда эса келинойиси инфарктдан, бир ойдан кейин акаси коронавирусдан вафот этган. Ютуқни қўлга киритишидан бир кун олдин эса Адамс дурадгорлик ишидан айрилган.

Хотинининг сўзларига кўра, баъзан лотерея ўйнаб турадиган турмуш ўртоғи ҳар гал жуфтлик учун муҳим бўлган рақамлардан фойдаланган.

"Ҳеч қачон, ҳатто энг яхши тушларимизда ҳам, кейинги бахтли онлар 1 миллион фунт стерлингни ютиб олиш бўлади деб ўйламаган эдик", дейди Адамс қўлга киритган пулига машина сотиб олиб, рафиқаси билан Канадада яшайдиган қариндошлари олдига бормоқчи эканлигини қўшимча қиларкан.