Белорусияда оммавий намойишлар пайтида кунига мингдан ортиқ одам ҳибсга олинди.
Бу ҳақда мамлакат Ички ишлар вазирлиги хабар берди.
Унга кўра, уч кунлик норозилик намойишлари давомида ҳибсга олинганларнинг умумий сони аллақачон 6 минг кишидан ошган.
Эслатиб ўтамиз, аввалроқ Минск ҳукумати тартибсизликлардан етказилган зарар 200 минг доллардан ошиши мумкинлигини маълум қилган эди.
Шу билан бирга, Белорусияда ҳуқуқ-тартибот идоралари ходимларига қилинган ҳужумлар бўйича камида 17 та жиноий иш қўзғатилган.