Бугун 29 март, 2024 йил, жума

O'ZB

«Баъзан орқангда ким турибди, деб сўрашади». Расул Кушербаев Президент қаршисида нутқ сўзлади

«Баъзан орқангда ким турибди, деб сўрашади». Расул Кушербаев Президент қаршисида нутқ сўзлади

Тошкент шаҳрида Ўзбекистон Республикаси Олий Мажлиси Қонунчилик палатасининг сайловдан кейинги биринчи мажлисда иштирок этаётган Ўзбекистон Президенти Шавкат Мирзиёев депутатлар ҳақида фикр билдирган эди.

Мажлисда депутат Расул Кушербаев сўзга чиқиб, давлат раҳбарининг нутқи ҳақида гапирди.

«Менимча, бизни кейинги беш йиллигимизга етадиган энергияга эга бўлдик, десам тўғри бўлади. Шахсан мен ҳозир ҳам ўзим шу нарсани ҳис этиб турибман. Бунинг учун жудаям катта раҳмат, депутатларга, халқ вакилларига кўрсатилган эҳтиром, ишончингиз учун, алоҳида эътиборингиз учун, мана шу халқ вакилларини халқимизнинг орасида, жамиятда етакчи обрўга эга бўлиши учун қилаётган саъй-ҳаракатларингиз учун жудаям катта миннатдорчилигимни билдираман.

Эътибор берсак, сўнгги 2—3 йил ичида мамлакатимизда очиқлик, ошкоралик бўйича ислоҳотларнинг янги қадамга чиққани ҳаммамизни ўзгаришга мажбур қиляпти. Бу вазирлик, идора, деймизми, парламент деймизми, одамлар деймизми, ҳамманинг ўз ишига бўлган талабчанлик руҳи ошмоқда.

Баъзан мендан сўрашади: ‘Сен аввал қаерда эдинг, бу журъатни, шижоатни қаердан олдинг? Кимга ишоняпсан, орқангда ким турибди?’ деб. Энди очиғи, ортимизда сайловчилар турибди, шиддатни, журъатни, руҳни сиздан оляпмиз. Доим ушбу саволларга берадиган жавобим шунақа», — дейди Кушербаев.

Киритилди: 14:31 20.01.2020. Ўқилди: 4922 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!