«Барселона» президенти: «Реал» Ла Лига раҳбарини четлатиб, ўрнига ўз одамини қўймоқчи

«Барселона» клуби президенти Жоан Лапорта «Реал» президенти Флорентино Перес бошчилигидаги клуб Ла Лига президенти Хавьер Тебаснинг истеъфосини хоҳлаётганини айтди.

«Менинг Тебас билан муносабатларимда яхши ва ёмон даврлар бўлган, лекин у ўз лавозимида улкан босимга дуч келаётган виждонли инсон. Бизда нормал муносабатлар бор, имтиёзли эмас — бу нарсага интилмаяпмиз ҳам.

«Реал»нинг Ла Лига билан можароси бор, улар уни четлатиш ғоясини амалга оширишмоқчи. Унинг ўрнига бошқа бировни қўймоқчи. Бундай стратегия ишонч уйғотмайди. Агар улар ундан қутулса, ўрнига кимни қўйишлари жуда қизиқ», — дея Лапортанинг сўзларини келтиради AS.