Ўзбекистон Ички ишлар вазирлиги ҳузуридаги Тергов департаменти томонидан автомобилларни бўлиб-бўлиб тўлаш орқали сотиш фаолияти билан шуғулланувчи Avto oltimish oy компаниясининг мансабдор шахслари ва бошқаларга нисбатан жиноят иши қўзғатилди. Бу ҳақда ИИВ матбуот хизмати хабар қилди.
Жиноят иши UzAuto Motors мурожаати асосида Жиноят кодексининг 188−1-моддаси 1-қисми, яъни пул маблағларини ва бошқа мол-мулкни жалб этишга доир ноқонуний фаолиятини текшириш мақсадида қўзғатилган.
Жиноят иши юзасидан олиб борилаётган дастлабки тергов ҳаракатлари давомида фуқароларнинг мол-мулкини жиноий тажовуздан ҳимоялаш ва компания фаолиятининг шаффофлигини ўрганиш мақсадида, молия-хўжалик фаолияти ҳужжатли тафтишни ўтказиш йўли билан текширилади.
ИИВнинг қайд этишича, тадбиркорлик субъектининг назорат кирим-чиқим операциялари назоратга олинади, лекин фаолияти тўхтатиб қўйилмайди.
«Тафтиш якунига кўра, мазкур жамият мансабдор шахслари ва бошқаларнинг ҳаракатларига ҳуқуқий баҳо берилиб, жиноят иши бўйича якуний қарор қабул қилинади», — дейилади хабарда.
Тадбиркорлик субъектлари ягона давлат реестри маълумотларига кўра, Avto oltmish oy компанияси май ойида Тошкентнинг Олмазор туманида рўйхатга олинган. Унинг устав жамғармаси 525 млн сўмни ташкил этиб, фаолият тури — енгил автомобиллар ва енгил моторли транспорт воситаларини ижарага бериш ва лизинги.
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Тожикистон чегарачилари етти нафар афғонни отиб ўлдирди
