Бугун 29 ноябрь, 2025 йил, шанба

O'ZB

Асадхўжа Мўйдинхўжаев профессионал рингдаги дебютида рақибини нокаутга учратди

Асадхўжа Мўйдинхўжаев профессионал рингдаги дебютида рақибини нокаутга учратди

Ҳаваскор боксда Олимпия чемпиони бўлган Асадхўжа Мўйдинхўжаев Россиянинг Челябинск шаҳрида ўтказилган бокс оқшомида профессионал боксдаги илк жангини ўтказди.

Унга қозоғистонлик Айдос Тастаев (8-7-0) рақиблик қилди. Жанг иккинчи раунддаёқ якунланди. Мўйдинхўжаев кетма-кет кучли зарбалар билан рақибини техник нокаутга учратди.

Шу кеча доирасида ҳаваскор бокс бўйича Жаҳон чемпиони Жавоҳир Умматалиев ҳам рингга кўтарилди. У 6 раундлик дебют жангида озарбайжонлик Раҳим Алиевни (3-0-0) ҳакамлар қарори билан мағлуб этди.

Маълумот учун, Асадхўжа Мўйдинхўжаев — ҳаваскор бокс бўйича Олимпия чемпиони. У -65 кг вазн тоифасида жанг қилади. Мўйдинхўжаев 2024 йил Париж Олимпиадасида олтин медални қўлга киритган. Шунингдек, у жорий йил Ливерпульда ўтган катталар ўртасидаги Жаҳон чемпионатида ҳам олтин медалга эга чиққан.

Жавоҳир Умматалиев ҳам сентябрь ойида Ливерпульда бўлиб ўтган Жаҳон чемпионатида 1-ўринни қўлга киритган. У мусобақа финалида франциялик Йожерлен Сесар билан баҳс олиб борди ва якунда ҳакамларнинг якдил қарори билан 5:0 ҳисобида ғалаба қозонган.

Киритилди: 23:11 28.11.2025. Ўқилди: 376 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!