Арманистон чемпионати тўхтатилди. Мамлакат ҳарбий ҳолатда

Август ойида старт олган Арманистон миллий чемпионати ўйинлари тўхтатиб қўйилди, дея хабар бермоқда мамлакат футбол федерацияси расмий сайти.

27 сентябрь куни Озарбойжон ва Арманистон ўртасида жанговар ҳаракатлар бошланиб кетганлиги туфайли Арманистон футбол федерацияси барча клубларга мамлакат ички чемпионат ўйинлари тўлиқ тўхтатиб турилиши ҳақида хабарнома жўнатган. Бунга мамлакатда ҳарбий ҳолат эълон қилингани сабаб сифатида кўрсатилган.

Маълумотот учун, 4-турдан кейин «Ван Чаренцаван» клуби 9 очко билан Арманистон чемпионатида пешқадамлик қилмоқда.