Бугун 22 август, 2019 йил, пайшанба

O'ZB

АҚШдаги фожиали воқеаларда Ўзбекистон фуқаролари қурбон бўлганми?

АҚШдаги фожиали воқеаларда Ўзбекистон фуқаролари қурбон бўлганми?

5 август ҳолатига кўра, Техас ва Огайо штатларида, шунингдек, Чикаго шаҳрида содир бўлган фожиали воқеалар қурбонлари рўйхатларида Ўзбекистон фуқаролари йўқ, дея хабар қилди ТИВ.

Техас штатининг Эл-Пасо шаҳрида отишма содир бўлди. ОАВ маълумотларига кўра, 20 киши қуролли ҳужум қурбонига айланган, яна 26 киши жароҳатланган, 21 ёшли гумондор Патрик Крузиус ҳибсга олинган. Ҳозирда жиноятнинг сабаблари аниқлаштирилмоқда.

4 августга ўтар кечаси Огайо штати Дейтон шаҳрида ҳам отишма юз берди. Дастлабки маълумотларга кўра, 10 киши, жумладан ҳужумчининг ўзи вафот этган. 27 киши эса жабрланган.

Шунингдек, отишма ҳолати Иллинойс штатида Чикаго шаҳрида ҳам қайд этилди. Жиноятчи Чикаго ғарбидаги боғда машинадан оломонга қарата ўқ узган. Дастлабки маълумотларга кўра, 7 киши турли даражада жароҳат олган.

Эслатиб ўтамиз, бироз аввал Шавкат Мирзиёев Эл-Пасо, Дейтон ва Чикаго шаҳарларида рўй берган фожеали воқеаларда кўплаб инсонлар ҳалок бўлгани ва жабрлангани муносабати билан Дональд Трампга самимий ҳамдардлик билдиргани хабар қилинган эди.

Киритилди: 16:20 05.08.2019. Ўқилди: 931 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади, ва телефон ракамни тасдиклаш керак булади!