Америкалик тадбиркор, жаҳоннинг энг бой кишиларидан бири Дэвид Кох 79 ёшида вафот этди. Бу ҳақда New Yorker журналисти Жейн Майер хабар берди.
"Дэвид Кохнинг оиласига яқин манбаларнинг айтишича, у вафот этди", — деб ёзди журналист Twitter саҳифасида.
Кох 1940 йилда туғилган. Технологик маълумотга эга бўлгач, акаси билан отасининг Koch Industries фирмасида фаолият бошлаган. Отасининг ўлимидан сўнг ака-укалар компания фаолиятини анча кенгайтиришган.
Forbes нашрининг маълумотларига кўра, 2018 йил июнь ҳолатига унинг бойлиги 51 миллиард долларни ташкил этган, у жаҳоннинг энг бой кишилари рўйхатида 11-ўринни эгаллаган. Bloomberg агентлигининг ёзишича. Ака-укаларнинг бойлиги 2019 йил август ойида 124, 5 миллиард долларга тенг бўлган.